家長走入課室:不只是旁觀者
靈糧的家校合作,不僅停留在講座層面。學校歡迎家長親身入課室,觀看早上的集會環節,看看學生在校的真實面貌。
「家長要好了解我哋學校,究竟小朋友返學係做緊啲乜嘢,佢先至能夠配合,先至能夠好好將佢嘅信任擺喺學校嗰度。」
陳校長分享,學校曾邀請家長在課堂上分享「欣賞小朋友的地方」。有家長說欣賞小朋友識得安慰人,有家長說小朋友學會自己起身刷牙洗面,毋須催促就準備上學。
這些看似平常的細節,卻在小朋友心裡留下深刻印記。陳校長說:「小朋友係當中一路聽緊嘅時候,嗰種好開心嘅樣,我係覺得係好難忘。而且呢個係一個機會令到親子關係,無形中就建立咗。」
她進一步指出,傳統一代的父母未必習慣公開讚賞子女,但當他們看見旁邊的家長這樣做,自然會反思:「原來我又諗下,我小朋友有啲咩好值得我讚先?」這種潛移默化,同時提升了小朋友的自信心。